Google ADS

PSG refuzon ofertën e parë të Juventusit për Leandro Paredes

23:01 | 27 Qershor 2022
L G

Paris Saint Germain ka refuzuar pa u menduar dy herë ofertën e parë të Juventusit për Leandro Paredes.

Kampioni i shumëfishtë i Italisë e pëlqen shumë mesfushorin argjentinas dhe trajneri Massimiliano Allegri ka kërkuar ta ketë në skuadër për edicionin e ri.

Mesfushori argjentinas e njeh mjaftë mirë kampionatin italian pasi më parë ka veshur fanellat e Chievos, Empolit dhe Romës.

Juventus ka bërë një ofertë të parë zyrtare në drejtim të PSG-së prej 15 milionë euro për Paredes, ofertë që është refuzuar menjëherë nga kryeqytetasit francez.

PSG është e gatshme ta shes mesfushorin, por synon që të fitojë së paku 25 milionë euro nga shitja e tij, pasi tri vite më parë kishin paguar 40 milionë euro për ta transferuar nga Zenit St Petersburg.

27-vjeçari nuk është një titullar te PSG, pasi edicionin e kaluar zhvilloi vetëm 22 ndeshje në të gjitha garat ku shënoi një gol dhe bëri dy asistime. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm